Liberation

मुक्तीच्या पायर्‍या । समोर दिसती

‘शब्दां’ची प्रचिती । येई जेव्हा..!

God guided world..

ईश-दिग्दर्शित । आखिव विश्वाला

परीक्षक भला । कोण हवा?

Subsistence

निर्वाहाची हमी । म्हणे देव घेतो

चोचीसवे देतो । दाणे सुद्धा..!

Without prompter...

बोलवित्याविना । सारे खोळांबेल

जागीच थांबेल । विश्वनाट्य..!

The perennial joy

दार वाजवाया । घाबरेल दुःख

तेव्हा नित्य सूख । प्रवेशेल..!

Until you merge..

‘मी’पण विरता । अंतर सरेल

केवळ उरेल । असणेच..! 

Sky is blue-

आभासी नीलिमा । दिसे आकाशात

जसे शरीरात । वसे मन..!